Av Jostein Sandsmark
Me har feira med eplekake i dag, sidan det gjekk så bra med valet i USA. Det var ikkje personen Donald Trump som får hyllesten, men politikken han står for og iverkset.
Obama var involvert i 7 krigar, men fekk Fredsprisen. Trump derimot, starta ingen krig, men dempa hissigproppen Kim Jong-un, fekk i stand Abrahamavtalane i Midt-Austen og flytta USA-abassaden frå Tel Aviv heim til Jerusalem. Han trekte USA ut or den vetlause Parisavtalen og skjerpa tonen overfor Iran med sine atomprosjekt. Han refsa FN og EU for mange antisemittiske resolusjonar og tiltak. På heimebanen fekk han til ein sterk oppgang i næringslivet
Men for alt dette fekk han berre vantakk, vart baksnakka og rettsleg forfylgd i ei rekke saker.
Nå ser me fram til den 6.10. 2025 for å sjå dei gode verknadene etter Trump-leiren sin berekraftige politikk og dei mange tiltak han kjem til å iverksetja. Eg trur dei blir verd ei ny eplekake.